En eins og þið hafið kannski orðið vör við að þá hefur lítil hreyfing verið á þessari síðu hjá okkur í Stúdentafélaginu í vetur, eitthvað aðeins gleymt að hugsa um það.
En það sem helst hefur á daga vora drifið síðan í haust eru hinir ýmsustu smávægilegu viðburðir, s.s. Pubquiz, bjórbingó og video kvöld, ásamt því að Meistaradeildin í hestaíþróttum hefur verið sýnd í nemendaaðstöðunni. Hið árvissa Jólahlaðborð Hólanema var haldið á Mælifelli 23. nóvember. Farið var í Menningarferð til Akureyrar 9. febrúar, með viðkomu á 2 hestabýlum, bjórsmökkun í Bruggverksmiðjunni Kalda og heimsókn á Hótel KEA og fengum við frábærar viðtökur allsstaðar. Enduðum svo saman út að borða á Greifanum og svo var haldið í bæinn og tjúttað fram eftir nóttu! Árshátíðin var svo haldin 15. mars á Mælifelli. Já, hér hefur sko heldur betur verið tjúttað og við ætlum alls ekki að láta tjúttið vanta næsta vetur heldur.

Svo bara til að minna alla á það að næsta haust verða einhverjar stöður lausar innan Stúdentafélagsins og um að gera að sækja um aðild í stjórn á nemendafelag@mail.holar.is. En eins og staðan er í dag sitja 6 einstaklingar við stjórnvöld og þar eru:

Anna Margrét Jakobsdóttir, formaður
Sigurður Borgar Arnaldsson, varaformarður
Steinunn Gunnsteinsdóttir, gjaldkeri
Hanna Rún Ingibergsdóttir, ritari
Nína Hrefna Lárusdóttir, skemmtanastjóri og
Hafdís Arnardóttir, meðstjórnandi.

Endilega hafið það í huga á næsta ári að koma inn í félagið, mjög skemmtilegt og auðveldar manni að kynnast nemendum og starfsfólki skólans!

Við viljum líka benda ykkur á lyklaleiguna sem við erum með hjá Stúdentafélaginu. Semsagt, ef þú sérð þér ekki fært, eða finnst þú ekki þurfa að nota lykil í það miklu magni að þú tímir ekki að kaupa hann hjá skólanum á 15.000kr. Þá erum við að bjóða lyklana til leigu fyrir smáklink:

1klst > 100kr
2klst > 200kr
3klst > 300kr
4klst > 400kr
5klst > 500kr
6klst – 24klst > 1.000kr

Ef lykillinn glatast eða þú skilar honum ekki, þá þarftu að borga 15.000 kr í sekt!! Svo endilega ekki glata lyklinum eða gleyma að skila honum

En þangað til næst, lifið heil!

Erum hægt og rólega að yfirfara þessa síðu og höfum meðal annars sett upp “link” hér að ofanverðu (“Myndir”) fyrir myndasíðu þar sem settar verða inn myndir frá viðburðum og starfi hér á Hólum.

Hér munum við svo setja inn allskyns upplýsingar um starf skólans sem og stúdentafélagsins.

Stúdentafélagið hefur í augnablikinu mörg járn í eldinum, við höfum á þessum fyrstu 2 mánuðum skólaársins þar á meðal látið útbúa fallegar Hólapeysur sem ættu að vera að detta í hús hvað úr hverju og svo eru stúdentakortin okkar líka komin með allskyns afslætti fyrir aðeins 1.500.- ISK (Nánar getið þið les um afslætti stúdentakortsins hér að ofan verðu)

Opnuð hefur verið nemenda aðstaða í anddyri skólans (þar sem búðin/ferðaþjónustan var áður) sem ykkur er öllum velkomið að nota!

Einnig höfum við reynt að hafa viðburði til að hrissta staðnema saman og eru vægast sagt spennandi hlutir framundan!

Fimmtudaginn 8.Nóvember verður Pizzuhlaðborð og Bjór Bingó uppi í skóla sem allir ættu auðvitað að mæta á!

Einnig er komin dagsetning á hið árlega Jólahlaðborð Hólaskóla en það verður haldið á Mælifelli  á Sauðárkróki þann 23.Nóvember en frekari upplýsingar koma um það örlítið seinna og um að gera að fylgjast vel með facebook síðu…

…stúdentafélagsins:https://www.facebook.com/groups/118699954897341/?fref=ts

Á önninni höfum við líka séð fyrir rútu á Laufskálaréttarballið, haldið Nýnemahitting með allskyns hópefli til að hrissta hópinn saman og bar-svar (pub quiz) sem heppnaðist mjög vel..

Við viljum endilega heyra frá öðrum nemendum um hvað vantar í starfi stúdentafélagsins og hugmyndir um hvað við gætum gert skemmtilegt saman…

Þetta er aðeins byrjunin!

Kveðja,

Stúdentafélagið

Mennta- og menningarmála-ráðherra hefur að fenginni tilnefningu háskólaráðs Hólaskóla – Háskólans á Hólum skipað Erlu Björk Örnólfsdóttur í embætti rektors Hólaskóla – Háskólans á Hólum til fimm ára frá 1. apríl nk. að telja.

Við bjóðum hana velkomna hingað heim að Hólum og óskum henni velfarnaðar í starfi.

Mbk

-Eva

Í tilefni af komandi dögum Bollið fólkið og borðið vel og skynsamlega..

Hjálmar Freysteinsson orti þessa snilld:

Bollur skal éta á bolludaginn,
baunir og saltkjöt á sprengidaginn,
en iðrast hann má,
maðurinn sá,
sem át konuna sína á konudaginn.

Bollur skal éta á bolludaginn,
baunir og saltkjöt á sprengidaginn,
en þótt hugur sé sá,
ekki húsfreyjan má,
hafa bóndann í matinn á bóndadaginn.

Ef bollur skal éta á bolludaginn,
og baunir og saltkjöt á sprengidaginn,
þá er mér spurn,

spekingar: Hvurn,
andskotann étiði á öskudaginn?

Bestu kveðjur

-Eva

Gaman að segja frá vel heppnuðum Háskóladegi sem var í gær. Við fengum stað í Háskólabíó-i ásamt vinum okkar í HA, LBHÍ og fleirum.

Það má segja að sumir lögðu meira á sig en aðrir í kynningarmálum en þegar uppi var staðið gekk þetta eins og í sögu hjá okkur og hittum við mikið af  vonandi hugsanlegum nýjum nemendum

Allir ánægðir, áfram Hólar.

Bestu kveðjur

-E

Hlökkum til að sjá sem flesta!

-Eva

Nemendaaðstaðan er opin alla daga á milli 8 og 22, að næstu helgi (11. og 12. febrúar) undanskilinni. Auðvitað þarf ekki að taka fram að góð umgengni er mikilvæg!

-Fre

Ást,
Fre

Hvetjum alla til að mæta!

-Fre

Stúdentakortin eru í höfn. Samningar hrannast inn. Tilboðin dælast til okkar.
Stúdentakortin veita afslátt í ýmsum búðum víðsvegar á landinu.
T.d. á flestum stöðum á Sauðárkróki. Samningar hafa einnig náðst við fyrirtæki í Reykjavík og munu enn fleiri bætast við.
Afslættir á Akureyri eru einnig í vinnslu.
Kortið kostar litlar 500 kr. og er frír sendingarkostaður fyrir þá sem vilja.
Þeir sem vilja nýta sér þennan skemmtilega möguleika þurfa að leggja inn þessar 500 krónur
fyrir þriðjudaginn 6.febrúar 2012.
reikn: 0310 – 26 – 5510
kt: 551096-2979
Þeir sem vilja láta senda þetta til sín þurfa þá að senda okkur línu á nemendafelag@mail.holar.is.